Nic Ad Nic Ad
Nic Ad Nic Ad

तलब नपाएपछि शिक्षक आन्दोलनमा

बुधबार, फागुन ३, २०७९

कपिलवस्तु –लामो समयदेखि तलब नपाएपछि कविलासी नगरपालिकाअन्तर्गत पर्ने विद्यालयका शिक्षक विद्यालय बन्द गरी आन्दोलनमा उत्रिएका छन् ।  

samridhi jewllers

नगरपालिकाले ६ महिनादेखि शिक्षकलाई तलब नदिएपछि शिक्षक विद्यालय बन्द गरी आन्दोलनमा उत्रिएका हुन् । शिक्षकहरूको आन्दोलनका कारण नगरपालिकाका सबै विद्यालयमा बुधबार पढाइ अवरुद्ध भएको छ । तलब नपाएसम्म निश्चितकालसम्म विद्यालय बन्द गरिने निर्णय गरिएको शिक्षक महासङ्घका नगर सहअध्यक्ष राजेशकुमार यादवले बताए ।  

मङ्गलबार पनि नगरभरिका शिक्षक विद्यालय बन्द गरी नगरपालिकाको कार्यालयअगाडि धर्नामा बसेका थिए । तलब पाउनुपर्ने माग राख्दै नगरपालिकामा ज्ञापनपत्रसमेत बुझाइएको थियो । 

नगरपालिकामा ३२ सामुदायिक विद्यालय छन् । त्यसमध्ये ७ मावि र बाँकी आधारभूत विद्यालय छन् । ती विद्यालयमा हाल २३० शिक्षक,  ७० विद्यालय कर्मचारी र ३० कार्यालय सहयोगी कार्यरत छन् ।  

शिक्षकहरूको समस्या समाधान चाँडै गरिने नगर उपप्रमुख पुनम कर्णले बताए । प्रमुख प्रशासकीय अधिकृत र लेखापालका कारण यो समस्या सिर्जना भएको उपप्रमुख कर्णको भनाइ छ । 
 

प्रकाशित मिति: बुधबार, फागुन ३, २०७९  १५:०६
प्रतिक्रिया दिनुहोस्