काठमाडौँ– २६० औँ सेना दिवसको अवसरमा विशेष समारोह आयोजनाको लागि नेपाली सेनाले तयारी गरिरहेको छ ।
टुँडीखेलस्थित सैनिक मञ्चमा नेपाली सेनाले हरेक वर्ष सैनिक दिवसको विशेष समारोह आयोजना गर्दै आएको छ ।
हरेक वर्षको शिवरात्रीका दिन सेना दिवसको कार्यक्रम आयोजना हुने गरेको छ । सेना दिवसको कार्यक्रमलाई लक्षित गरेर टुँडिखेलमा भगवान शिवको मूर्ति स्थापना गरिएको छ ।
सेना दिवसको अवसरमा सैनिक मञ्चमा परेड तथा तोप–बढाइँ, कवाज, आतसबाजी लगायतका विभिन्न कार्यक्रमको प्रस्तुति गर्ने गरिन्छ । सेना दिवसको विशेष समारोह सेनाका परमाधिपति एवं राष्ट्रपति विद्यादेवी भण्डारीको प्रमुख आतिथ्यमा हुने नेपाली सेनाले बताएको छ ।
सेना दिवसको अवसरमा नेपाली सेनाले केहि बर्ष यता भने मञ्चको अगाडिपट्टि रहेको खुल्ला क्षेत्रमा भगवान शिवको प्रतिमा राख्दै आएको छ ।
सेना दिवसमा उपस्थित व्यक्तिहरुले सहजै भगवान शिवको दर्शन गर्न सकुन भन्ने उद्देश्यले भगवान शिवको प्रतिमा समारोह स्थलमा राख्ने गरिएको नेपाली सेनाले बताएको छ ।
