काठमाडौँ– ग्यास सिलिन्डर विष्फोटबाट घाइते भएका आफ्नो पार्टीका नेता चन्द्र भण्डारीको स्वास्थ्य अवस्था बुझ्न नेपाली कांग्रेसका सभापति शेरबहादुर देउवा कीर्तिपुरस्थित बर्न अस्पताल पुगेका छन् ।

आज बिहान त्यहाँ पुगेर देउवाले सांसदसमेत रहेका भण्डारीको स्वास्थ्य अवस्था बुझेको उनीनिकट स्रोतले जनाएको छ ।

साथै, सभामुख देवराज घिमिरे पनि अस्पताल पुगेका छन् । 

बुधबार राति बुद्धनगरस्थित आफ्नै निवासमा ग्यास सिलिन्डर विष्फोट हुँदा नेता भण्डारी र उनकी आमा हरिकला घाइते भएका थिए । हरिकलाको निधन भइसकको छ । 

नेता भण्डारीलाई भने थप उपचारका लागि भारत लैजाने तयारी भइरहेको छ ।