काठमाडौँ–  नेकपा (एमाले) निकट अनेरास्ववियुको नयाँ नेतृत्वका लागि आज चुनाव हुँदै छ ।

अध्यक्षका लागि ५ जनाको उम्मेदवारी परेको छ । जसमा वरिष्ठ उपाध्यक्ष आरसी लामिछाने, उपाध्यक्ष मोती विक, लोकेश निरौला, वाङ्ग्छु योञ्जन र महासचिव समिक बडालले उम्मेदवारी दिएका छन् ।

यस्तै, ४ उपाध्यक्षका लागि पाटन क्याम्पसका स्ववियु सभापति झपिन्द्र खत्री, आरआर क्याम्पसका स्ववियु सभापति तपेन्द्र शाही, धर्म गिरी, नारायण घर्ती, गोविन्द गिरी, प्रकाश भुजेल, सुजन भट्टराई र पंकज भण्डारीसहित १७ जनाले उम्मेदारी दिएका छन् ।

यसैगरी, १ महासचिवका लागि सुदर्शन शिवाकोटी, नरेश रोकाय, उमेश आचार्य, भाष्कर खनाल र कल्पना वाइबाको उम्मेदवारी परेको छ ।

६ खुला सचिवका लागि ७१ जनाको उम्मेदवारी परेको छ । 

बुधबार हुने तय भएको चुनाव आजका लागि सरेको थियो ।

यसैबीच, उम्मेदवारहरू निर्वाचनस्थल कमलादीस्थित प्रज्ञा भवन परिसरमा भोट माग्न व्यस्त देखिएका छन् ।

हेरौँ तस्बिरमा :