काठमाडौँ– विदेशमा ख्याती प्राप्त ‘हर्ट्ज’ले नेपालमा पनि सेवा विस्तार गर्ने तयारी गरेको छ ।
नेपालमा सेवा विस्तार गर्न ‘हर्ट्ज’ले प्रेसिडेन्ट ट्राभल एण्ड टूर्स लिमिटेडलाई आधिकारिक रुपमा प्रतिनिधि नियुक्त गरेको छ ।
मलेसियन एयरलाइन्स, रेल युरोप र सीडब्लूटी कम्पनीसँग सहकार्यमा नेपालीहरुलाई विदेश भ्रमण गराउँदै आएको ट्राभल एण्ड टुर्सले पछिल्लो समय हर्ट्ज, थ्रीफिफ्टी, डलर र एस लगायतका ब्राण्डहरुसँग सहकार्य गरेको हो ।
‘हर्ट्ज’सँगको सहकार्यपछि नेपालीहरुले विदेश भ्रमण गर्दा गाडी भाडा लिनेलगायतका अनय सुविधा प्रयोग गर्न सक्ने प्रेसिडेन्ट ट्राभल एण्ड टुर्सले जनाएको छ ।
हर्ट्जका एसिया प्रशान्त उपाध्यक्ष इयोन म्याकनिलले भने ‘अन्तर्राष्ट्रिय हवाई यातायात संघको मान्यता प्राप्त प्रेसिडेन्ट ट्राभल एण्ड टूर्ससँगको सहकार्यले यस क्षेत्रमा भरपर्दो सेवा र व्यवसाय विस्तारमा सहयोग पुग्ने छ ।’
प्रेसिडेन्ट ग्रुप अफ कम्पनीज्का प्रबन्ध निर्देशक भोलाविक्रम थापाले हर्ट्जसँग भएको यो साझेदारीले नयाँ अवसर प्रदान गरेको र यसलाई कार्यान्वयन गर्न आफूहरु तयार रहेको बताए ।
‘हर्ट्जको प्रतिनिधि भएको काम गर्न पाउँदा उत्साहित छौं, हामीलाई एक प्रतिष्ठित र प्रसिद्ध कम्पनीसँग काम गर्ने अवसर प्राप्त भएको छ । हामी उत्कृष्ट सेवा प्रदान गर्न तथा हर्ट्जसँग सफल साझेदारीको निर्माण गर्न कटिबद्ध छौँ,’ निर्देशक थापाले भने, ‘नेपाली बजारमा हर्ट्जको सेवा उपलब्ध हुँदा यात्रुहरूले सुविधान त पाउने नै छन् साथै छनोटको विकल्प पनि खुला हुने छ ।’
