नेता भण्डारीको हृदयको चाल सामान्य, आत्तिनु नपर्ने

काठमाडौँ– ग्यास सिलिन्डर विष्फोटपछि उपचारका लागि भारत लगिएका नेपाली कांग्रेसका नेता डा चन्द्र भण्डारीको अहिले मुम्बईस्थित नेसनल बर्न सेन्टरमा आइसियूमा उपचारत भइरहेको । 

प्रतिनिधिसभाका सांसदसमेत रहेका भण्डारीको स्वास्थ्य अवस्था खतरामुक्त रहेको बताइएको छ ।

अस्पतालमै रहेका कांग्रेस नेता माधव न्यौपानेका अनुसार भण्डारीको हृदयको चाल सामान्य रहेको र आत्तिनु नपर्ने उपचारमा संग्लग्न चिकित्सकहरूले जानकारी दिएका छन् ।

नेता भण्डारीको आज बिहान साढे १० मा पहिलो सर्जरी र दिउँसो साढे १ बजे दोस्रो सर्जरी गर्ने योजना रहेको उनले सामाजिक सञ्जालमार्फत जानकारी दिएका हुन् ।

‘अहिले राति १०ः३० मा डाक्टरहरूको सल्लाहअनुसार शरीरमा फ्लुडको मात्रा डबल गर्ने, बिहान १०ः३० मा पहिलो सर्जरी गर्ने र दिउसो १ः३० बजे दोस्रो सर्जरी गर्ने प्लान रहेको छ। उनीहरूका अनुसार सबै हेल्थ पारामिटरहरू नर्मल रहेका छन्,’ न्यौपानेले फेसबुकमा लेखेका छन्, ‘हृदयको चाल पनि नर्मल रहेको र आत्तिनु नपर्ने जानकारी रहेको व्यहोरा सबैैमा जानकारी गराउँदछु।’