काठमाडौँ– नेपाली सेना दिवसको विशेष कार्यक्रममा पहिलो पटक भारतीय सेनाका पूर्वप्रमुखहरु सहभागी भए ।
नेपाली सेनाको आमन्त्रणमा सैनिक मञ्च टुँडिखेलमा आज आयोजित २६० औँ सेना दिवसको विशेष समारोहमा उनीहरु पहिलो पटक सहभागी भएका हुन् ।
भारतीय पूर्वसेनाप्रमुख विश्वनाथ शर्मा, जोगिन्द्र जसवान्त सिंह, दीपक कपुर र मनोज मुकुन्द नरवाणे सैनिक मञ्च टुँडिखेलमा आयोजित सेना दिवसको विशेष कार्यक्रममा देखिए ।
नेपाली सेनाले आफ्नो २६० औं स्थापना दिवशको अवसरमा भारतीय सेनाका स्थल सेनाका प्रमुख मनोज पाण्डेसहित ११ पूर्व प्रमुखहरुलाई पनि निमन्त्रणा गरेको थियो। तर ती मध्ये ५ जना नेपाल आएका हुन् ।
नेपाली सेनाले १० वर्षपछि विशेष कार्यक्रमकाबीच आफ्नो स्थापना दिवस मनाएको हो ।
नेपाली सेना र भारतीय सेनाबीच एकअर्काका प्रमुखलाई मानार्थ महारथीको सम्मान दिने प्रचलन छ। नेपाली सेनाका प्रमुखलाई पनि भारतमा मानार्थ महारथीको सम्मान दिइँदै आएको छ।
