काठमाडौँ– पछिल्लो खेलमा जित निकाल्दै आर्सनल पुनः इंग्लिस प्रिमियर लिग फुटबलको शीर्ष स्थानमा उक्लिएको छ ।

शनिबार राति भएको खेलमा आर्सनलले एस्टन भिल्लामाथि ४–२ गोलको जित निकाल्दै फेरि शीर्ष स्थानमा उक्लिएको हो ।

म्यानचेस्टर सिटी बराबरीमा रोकिएपछि शीर्ष स्थान गुमाएको छ । 

शनिबार राति भएको खेलमा सिटी नटिङ्घम फरेस्टसँग १–१ गोलको बराबरीमा रोकिएको हो । 

यस्तै, चेल्सी भने घरेलु मैदानमै पराजित भएको छ । शनिबार राति भएको खेलमा चेल्सीलाई साउथह्याम्पटनले १–० गोल अन्तरले हराएको हो । हारसँगै चेल्सी लिगको १० औँ स्थानमा छ ।

यता, लिभरपुलले भने सहज जित निकालेको छ । लिभरपुलले न्युकासललाई २–० गोल अन्तरले हराउँदै सहज जित निकालेको हो । लिभरपुल आठौँ स्थानमा छ । 

शीर्ष स्थानमा उक्लिएको आर्सनलको ५४ तथा देस्रोमा रहेको सिटीको ५२ अंक छ ।