काठमाडौँ– स्पेनिस ला लिगा फुटबलमा रियल म्याड्रिडले जित निकाल्दै शीर्ष स्थानको बार्सिलोनासँगको अंक दूरी घटाएको छ ।
शनिबार राति भएको खेलमा रियलले ओसासुनालाई २–० गोल अन्तरले हराउँदै बार्सिलोनासँगको अंक दूरी घटाएको हो ।
एक खेल कम खेलेको बार्सिलोनाको ५६ अंक रहेको छ । गएरातिको जितसँगै रियलको २२ खेलबाट ५१ अंक पुगेको छ । यसअघि ८ अंकले पछि रहेकोमा रियलले ३ अंकको दूरी घटाएको हो ।
रियलको जितमा फेडेरिको भाल्भर्डे र मार्को एसेन्सियोले एक–एक गोल गरेका थिए ।
खेलको ७८ औं मिनेटमा भाल्भर्डेले तथा इन्जुरी समयमा एसेन्सियोले गोल गर्दै रियललाई २–० को जित दिलाएका हुन् ।
रियलसँग पराजित ओसासुना ३० अंक जोडेर दशौँ स्थानमा रहेको छ ।
प्रकाशित मिति: आइतबार, फागुन ७, २०७९ ०८:५६
प्रतिक्रिया दिनुहोस्
