काठमाडौँ– लियोनल मेसीले खेलको ९० मिनेट सकिएर थप गरिएको अतिरिक्त समयमा गोल गरेपछि फ्रेन्च लिग वान फुटबलमा शीर्ष स्थानको पेरिस सेन्ट जर्मेन (पिएसजी)ले संघर्षपूर्ण जित निकालेको छ ।
गएराति भएको खेलमा पिएसजीले लिलमाथि ४–३ गोलको संघर्षपूर्ण जित निकालेको हो । ३–३ गोलको बराबरीको अवस्थामा मेसीले अन्तिम समयमा गोल गर्दै आफ्नो टोलीका जित सुनिश्चित गराए ।
घरेलु मैदानमा भएको खेलको ११ औँ मिनेटमा केलियन एमबाप्पेले गोल गर्दै पिएसजीलाई सुरुवाती अग्रता दिलाएका थिए । फेरि नेइमारले १७ औं मिनेटमा गोल गरेपछि पिएसजीलाई २–० को अग्रता लियो ।
खेलको २४ औँ मिनेटमा लिल खेलमा फर्कियो । बाफोडे डियाकिटेले गोल गर्दै लिललाई २–१ को अवस्स्थामा ल्याए ।
लिल यतिमै रोकिएन । जोनाथन डेभिडले ५८ औं मिनेटमा पेनाल्टीबाट गोल गर्दै लिललाई २–२ गोलको बराबरीमा ल्याए ।
खेलको ६९ औं मिनेटमा जोनाथन बाबाले गोल गर्दै लिललाई ३–२ को अग्रताको अवस्थामा पुर्याए ।
तर, ८७ औँ मिनेटमा एमबाप्पेले व्यक्तिगत दोस्रो गोल गर्दै पिएसजीको हारमात्र टारेनन् खेल ३–३ को बराबरीमा ल्याए ।
त्यसपछि खेलको इन्जुरी समय अर्थात ९५ औँ मिनेटमा मेसीले गोल गर्दै टोलीको जित सुनिश्चित गराए ।
शीर्ष स्थानमा रहेको पिएसजीले यो जितसँगै २४ खेलमा ५७ अंक जोडेको छ ।
लिल भने ४१ अंक जोडेर लिगको छैटौं स्थानमा रहेको छ ।
