काठमाडौँ– स्पेनिस ला लिगा फुटबलमा लिग लिडर बार्सिलोनाले दोस्रो स्थानको रियल म्याड्रिडसँग फेरि ८ अंकको अग्रता लिएको छ ।
आइतबार राति भएको खेलमा बार्सिलोनाले काडिजलाई २–० गोल अन्तरले हराएपछि फेरि रियलसँगको अंक दूरी बढेको हो ।
बार्सिलोनाको जितमा सर्जी रोबर्टो र रोबर्ट लेवान्डोस्कीले एक–एक गोल गरे ।
यसअघि, आइतबारमात्रै रियलले जित निकालेपछि बार्सिलोनासँका अंक दूरी ५ मा घटाएको थियो । गएराति बार्सिलोना जित निकालेपछि फेरि ८ अंकको अग्रता कायम भएको हो ।
बार्सिलोनाले २२ खेलमा ५९ अंक जोडेको छ । समान खेल खेलेको रियलको ५१ अंक छ ।
पराजित काडिज २२ अंक जोडेर १७ औं स्थानमा रहेको छ ।
प्रकाशित मिति: सोमबार, फागुन ८, २०७९ ०८:०७
प्रतिक्रिया दिनुहोस्
