काठमाडौँ –नेपाल बिल्डकन अन्तर्राष्ट्रिय प्रदर्शनी तथा नेपाल हाउजीङ्ग एन्ड इनभेसटमेन्ट एक्स्पो, नेपाल हेवी इकयुपमेन्ट एन्ड कन्सट्रकसन एक्स्पो हुने भएको छ ।
प्रर्दशनी मिडिया स्पेस सोलुसन्स प्रालि र युचरेक्स ट्रेड फेयर एण्ड ईभेन्टस् प्रालिले संयुक्त रूपमा आयोजना गर्दै आइरहेको छ । एक्स्पो ११ फागुनदेखि १४ फागुनसम्म हुनेछ ।
प्रदर्शनीमा विभिन्न देशका ३०० भन्दा बढि ख्याती प्राप्त ब्राण्डहरूका २०० भन्दा बढि स्टल रहने आयोजकले जनाएको छ ।
यस अन्तर्राष्ट्रिय प्रदर्शनीमा निर्माण सामग्री, निर्माण मेसिनरी, निर्माण उपकरण, आवास कम्पनीहरू, अपार्टमेन्ट कम्पनीहरू, प्रि–फ्याब संरचनाहरू, युपीभीसी झ्याल ढोका उत्पादन गर्ने मेसिनरी, युपीभीसी प्रोफाइल, आर्किटेक्चरल हार्डवेयर रहने छन् ।
साथै बाथरूम फिटिङ्स, पाइपहरू, टाइल र सेनेटरी वेयर, पावर औजारहरू, कंक्रीट ब्लक मेसिनरी उत्पादकहरू, मटेरियल ह्यान्डलिंग उपकरणहरू, एल्युमिनियम कम्पोजिट प्यानलहरू रहने आयोजकले जनाएको छ ।
