काठमाडौँ– आइसिसी विश्वकप लिग-२ त्रिकोणात्मक एकदिवसीय शृंखला अन्तर्गत स्कटल्यान्डले नामिबियालाई २२२ रनको लक्ष्य दिएको छ ।
टस हारेर पहिला ब्याटिङ गरेको स्कटल्यान्डले ४८दशमलव ३ ओभरमा सबै विकेट गुमाएर २२१ रन बनाएको छ ।
कीर्तिपुरमा भएको खेलमा नामिबियाले टस जितेर पहिला फिल्डिङ गरेको हो । स्कटल्याडले पहिलो ओभरमै विकेट गुमायो । पहिलो ओभरको तेस्राे बलमा स्कटल्याडका सुरुआती ब्याट्सम्यान केले कोइजर शून्य रनमा आउट भए ।
नेपाल सम्मिलित यो शृंखलमा नामिबिया सुरुआती ३ वटै खेलमा पराजित भएको छ । नामिबिया अन्तिम खेलमा स्कटल्यान्डलाई हराउन चाहन्छ ।
स्कटल्यान्ड नेपालसँग ३ विकेटले पराजित भएको थियो । स्कटल्यान्डले नामिबियालाई १० विकेटले हराएको थियो ।
७ देश सहभागी यो प्रतियोगितामा स्कटल्यान्ड ३४ खेलबाट ४८ अंक बटुलेर बिजेता बनिसकेको छ । नामिबिया ३३ खेलबाट ३६ अंक पाएर तेस्राे स्थानमा छ ।
त्यसैगरी ३६ खेलबाट ४४ अंकका साथ ओमान दोस्राे स्थानमा रहन सफल भएको छ । नेपाल २७ खेलबाट २४ अंक पाएर छैठौँ स्थानमा छ ।
