काठमाडौँ- आज २०७९ फागुन ९ गते, मंगलबार, २१ फेब्रुअरी २०२३ । फाल्गुण शुक्लपक्ष प्रतिपदा तिथि, ११ः१४ बजेपछि द्वितीया । शतभिषा नक्षत्र, ११ः१३ बजेपछि पूर्वभाद्रपदा । चन्द्रराशि– कुम्भ । जसअनुसार आजको राशिफल 

मेष (चु, चे, चो, ला, लि, लु, ले, लो, अ) :

दैनिक आवश्यकता पूरा हुनेछन् भने मिहिनेतको फल प्राप्त हुने छ । आम्दानी बढ्नाले उत्साह जाग्ने छ । श्रमको उचित मूल्य पाइनेछ । दिगो फाइदा हुने काम प्रारम्भ होला । साझेदारीबाट पनि फाइदा उठाउन सकिन ेछ । व्यापारमा राम्रै फड्को मार्ने समय छ । छोटो समयमै राम्रो उपलब्धि हातलागी हुने छ । रोकिएको काम बन्ने छ भने जिम्मेवारीसमेत बढ्ने छ ।

वृष (इ, उ, ए, ओ, बा, बि, बु, बे, बो) :

नयाँ कामले नाम र दाम दिलाउने छ । कर्मक्षेत्रमा गरिएको साधना सिद्ध हुने छ । मिहिनेतले सजिलै लक्ष्यमा पुर्याउने छ । प्रतीक्षित नतिजाले उत्साह जगाउने छ । विभिन्न अवसरले पछ्याउनेछन् भने दिगो काममा जग बसाउने अवसर प्राप्त हुने छ । पदासीन व्यक्तिहरूसँग मित्रता बढ्ने छ । व्यवसायमा सोचेको प्रगति हुने छ । कर्मयोगले मान–सम्मान समेत दिलाउने छ ।

मिथुन (का, कि, कु, घ, ङ, छ, के, को, ह) :

अप्ठ्यारा परिस्थितिसँग सम्झौता गर्नुपरे पनि भविष्यका लागि सम्भावना खोजी गर्ने समय छ । समयको गतिलाई पछ्याउन नसक्दा अलि दुःख भने पाइने छ । अवसरवादीहरूले आफ्ना कमजोरीको फाइदा उठाउने चेष्टा गर्नेछन् । बाध्यात्मक परिस्थितिले अलमल्याउन सक्छ । तापनि, टाढिएका साथीभाइ नजिकिनेछन् र मित्रता नै दिगो लाभको संवाहक बन्न सक्छ ।

कर्कट (हि, हु, हे, हो, डा, डि, डु, डे, डो) :

स्वास्थ्य कमजोर रहने छ भने चिताएको नतिजा प्राप्त नहुनाले आर्थिक क्रियाकलापमा बाधा पुग्न सक्छ । गोपनीयता बाहिरिनाले लक्ष्यमा पुग्न अप्ठ्यारो पर्ने छ । तापनि, मिहिनेत गर्दा केही काम बन्नेछन् । तत्काल उपलब्धि प्राप्त नभए पनि सम्भावना खोजी गर्ने समय छ । रोकिएको काममा दोहोर्याएर प्रयत्न गर्नुहोला । पछि फाइदा हुने काम प्रारम्भ गर्न सकिने छ ।

सिंह (मा, मि, मु, मे, मो, टा, टि, टु, टे) :

घुमफिर तथा मनोरञ्जनको समय छ । प्रियजनसँगको भेटघाटले दिन निकै रमाइलो र उत्साहबद्र्धक रहने छ । परिस्थितिले नयाँ मार्गतर्फ अग्रसर गराउन सक्छ । नयाँ परिवेशमा पुगिने छ, नयाँ साथीभाइ भेटिनेछन् । प्रेमको बन्धन कसिने छ । साथीभाइ र सहयोगीहरूले साथ दिनेछन् । पहिलेको दुविधाले निर्णायक मोड लिने छ । भौतिक सुविधा जुटाउन सकिने छ ।

कन्या (टो, प, पि, पु, ष, ण, ठ, पे, पो) :

साहसी काम गरेर अरुको मन जित्न सकिने छ । प्रतिपक्षीहरूसमेत सहयोगी बन्नेछन् । कामको उच्च मूल्यांकन हुने छ भने लगनशीलताले विभिन्न अवसर दिलाउन सक्छ । रोकिएका काम बन्नुका साथै नयाँ काम प्रारम्भ हुने छ । व्यावसायिक काममा राम्रै फड्को मार्न सकिने छ । व्यापारमा पनि प्रशस्त फाइदा हुने छ । मेहनतले जीवनशैलीमा परिवर्तन आउन सक्छ ।

तुला (र, रि, रु, रे, रो, ता, ति, तु, ते) :

कामको मेसो नमिल्दा पछि परिने छ । अरूका लागि बुद्धि खर्चनु पर्ला । स्वास्थ्य कमजोर रहनाले अध्ययनमा ध्यान केन्द्रित नहुन सक्छ । समयको गतिलाई पछ्याउने प्रयास गर्नुहोला । सम्भावना देखिए पनि उपलब्धि हातपार्न धेरै श्रम गर्नुपर्ला । प्रतीक्षित नतिजा कमजोर देखिनाले काम दोहोर्याउनु पर्ला । अवसर र व्यवधानका बीचबाट कर्मयोग अघि बढ्ने छ ।

वृश्चिक (तो, ना, नि, नु, ने, नो, या, यि, यु) :

छातीको समस्याले स्वास्थ्य कमजोर रहने छ । हतारको निर्णयले अप्ठ्यारो पार्ने हुँदा सजग रहनुहोला । समयमा जुट्न नसक्दा आफ्नो काम रोकिन सक्छ । अरूका लागि उपयोग भइने छ र बेसुरमा दिइएको वचनले अप्ठ्यारो पर्न सक्छ । आवेशको व्यवहार तथा सानो असमझदारीले आफन्तजन टाढिन सक्छन् । रोकिएका काममा दोहोर्याएर प्रयत्न गर्नु पर्ला ।

धनु (ये, यो, भ, भि, भु, ध, फा, ढ, भे) :

नयाँ काम प्रारम्भ गर्ने समय छ । मिहिनेतले दिगो फाइदा दिलाउने छ । प्रतिस्पर्धीले हार खानेछन् । परिश्रम परे पनि समय निकै फलदायी रहने छ । सहयोगीहरूले राम्रो साथ दिनेछन् । रोकिएका काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा हुने छ । मिहिनेतले दिगो फाइदा दिलाउने छ भने गरिएका कर्मको उचित प्रतिफल पाइने छ ।

मकर (भो, ज, जि, खि, खु, खे, खो, गा, गि) :

आफ्नै वचनबद्धता पालना गर्न नसक्ने स्थिति रहने छ । अस्वस्थताका बाबजुद जिम्मेवारी थपिने छन् । अरूका काममा समय बित्न सक्छ । काम बीचैमा रोकिनाले दोहोर्याउनुपर्ने स्थिति आउला । आशा देखाउनेहरूले धोका दिनेछन् । प्रयत्न गर्दा केही काम बन्नेछन् । अरूलाई फाइदा हुने काम सम्पादन गर्न सकिने छ । अध्ययनतर्फ लक्ष्य पूरा नहुन सक्छ ।

कुम्भ (गु, गे, गो, सा, सि, सु, से, सो, द) :

रमाइलो दिन छ । रचनात्मक काम प्रारम्भ गर्ने समय छ । सहयोगीहरूले राम्रो साथ दिनेछन् भने पहिलेको सफलताले पनि थप काम गर्न हौसला प्रदान गर्ने छ। बिछोडिएका परिवारजनसँग भेटघाट हुने छ । मिहिनेतले काममा सफलता दिलाउने छ । समस्या पन्छाएर अधिकार स्थापित गर्न सकिने छ । दिगो फाइदा हुने काममा जग बसाउने मौका छ ।

मीन (दि, दु, थ, झ, ञ, दे, दो, च, चि)

आकस्मिक खर्च बढ्ने छ भने आम्दानी कम हुने छ । व्यवसायमा लगानी बढाउनुपर्ने स्थिति आउन सक्छ । फाइदाका लागि दोहोर्याएर प्रयत्न गर्नुपर्ला । टाढाको यात्रा खर्चिलो र कष्टकर बन्न सक्छ । छिमेकमा असमझदारी बढ्ने देखिएकाले होसियारीसाथ काम लिनुहोला । भविष्यका लागि केही वस्तु त्याग्नु पर्ला । सोचेको नतिजा तत्काल प्राप्त नहुन सक्छ ।