सल्यान –राष्ट्रिय प्राकृतिक स्रोत तथा वित्त आयोगको कार्यसम्पादन मूल्यांकनमा शारदा नगरपालिका जिल्लामा उत्कृष्ट भएको छ । १० स्थानीय तहमध्ये शारदा नगरपालिकाले सबैभन्दा बढी अंक ६२.९२ प्राप्त गरी जिल्लामा उत्कृष्ट भएको हो ।
शारदा नगरपालिका उत्कृष्ट हुँदा बागचौर नगरपालिका पुछारमा रहेको छ । बागचौरले सबैभन्दा कम ३९.०९ प्रशित अंक मात्र प्राप्त गर्न सफल भएको छ । बनगाड कुपिण्डे नगरपालिकापाले ४५.१, अंक ल्याएको छ ।
जिल्लामा ३ नगरपालिका र ७ गाउँपालिका छन् । कालिमाटी गाउँपालिकाले ५१.८६, त्रिवेणीले ५१.०८ प्रतिशत, अंक ल्याएर क्रमश दोस्रो र तेस्रो भएका छन् । यस्तै दार्माले ५०.६७, कुमाखले ४९.०३, सिद्ध कुमाखले ४६.५३, छत्रेश्वरीले ४८.७८ र कपुरकोटले ४६.२२ प्रतिशत अंक पाएका छन् ।
प्रदेश तथा स्थानीय सरकारको वित्तीय समानीकरण अनुदान सिफारिस गर्न निर्धारण गरिएको कार्यसम्पादन सूचकको मूल्याङ्कन प्रतिवेदनअनुसार वित्त आयोगले विभिन्न १९ सूचकलाई मद्देनजर गर्दै प्रदेशको समेत कार्यसम्पादन मूल्याङ्कन गर्दै आएको छ ।
सोही अनुसार कर्णाली प्रदेशले भने २५.९ अङ्क प्राप्त गरेको हा । यसमा लेखापरीक्षण, बेरुजु फस्र्यौट, तोकिएको समयमा बजेट विनियोजन, लक्षित राजस्व सङ्कलनलगायत विषयलाई सूचकका रूपमा राखिएको छ ।
कार्यसम्पादनबाट प्राप्त अङ्कका आधारमा प्रदेश तथा स्थानीय तहले सङ्घ सरकारबाट पाउने वित्तीय समानीकरण अनुदान सिफारिस गर्ने कानुनी प्रावधान छ ।
