काठमाडौँ– युरोपियन च्याम्पियन्स लिग फुटबलको प्रि–क्वार्टरफाइनलको पहिलो लिगमा स्पेनिस च्याम्पियन रियल म्याड्रिडले पुनरागमन जित निकालेको छ ।
मंगलबार राति भएको खेलमा रियलले घरेलु टोली इंग्लिस क्लब लिभरपुलमाथि दुई गोलले पछि परेको स्थिति उल्टाउँदै पुनरागमन जित निकोको हो ।
रियलले लिभरपुलमाथि ५–२ को सानदार पुनरागमन जित दर्ता गरेको हो । रियलको जितमा भिनिसियस जुनियर र कप्तान करिम बेन्जेमाले समान दुई तथा एडर मिलिसाओले एक गोल गरे । लिभरपुलका डार्विन नुनेज र मोहम्मद सलाहले समान १ गोल गरे । जो सान्त्वना बने ।
यस जितसँगै रियलले लिभरपुलसँगको अपराजित यात्रा ६ खेलसम्म लम्ब्याएको छ । रियलले ५ जित र एक बराबरीको नतिजा निकालेको छ ।
यस जितसँगै रियलले क्वार्टरफाइनल पुग्ने सम्भावना बलियो बनाएको छ । घरेलु मैदानमा मार्च १५ मा हुने खेलमा यही नतिजा कायम राख्न सके रियल क्वाटरफाईनलमा पुग्ने छ । लिभरपुललाई भने ५–२ को तजिता उल्टाउनुपर्ने भएको छ ।
