ढोरपाटन– राष्ट्रपति विद्यादेवी भण्डारी आज बिहान बागलुङ आइपुगेकी छिन् । बागलुङ बजारस्थित बागलुङ कालिकाको दर्शनका लागि राष्ट्रपति भण्डारी यहाँ आएकी हुन् ।

नेपाली सेनाको हेलिकोप्टरबाट बिहान १०ः३० बजे बागलुङ बजार आएकी राष्ट्रपति भण्डारीलाई जिल्ला समन्वय समिति बागलुङका प्रमुख अम्मरबहादुर थापाले स्वागत गरे ।

बागलुङ कालिका मन्दिरमा राष्ट्रपति भण्डारीले दर्शन तथा पूजा गर्न कालिका गुठी व्यवस्थापन समितिले जानकारी दिएको छ ।

राष्ट्रपति भण्डारीसँगै राष्ट्रिय सभाका अध्यक्ष गणेशप्रसाद तिमल्सिनाले मन्दिरको दर्शन गरेका थिए ।

चैत्राष्टमी मेला २०७९ को पूर्वसन्ध्यामा राष्ट्रपति भण्डारी तथा राष्ट्रियसभाका अध्यक्ष तिमल्सिनालगायत अन्य विशिष्ट पाहुना मन्दिर दर्शन गर्न आएकोमा कालिका गुठीका अध्यक्ष कुमार खड्काले खुसी व्यक्त गरे ।