काठमाडौँ- नेपाल प्रहरीले ‘काठमाडौँ भ्यु टावर’ निर्माण गरिरहेका ठेकेदार मनोज भेटवाललाई पक्राउ गरेको छ । खातामा पर्याप्त रकम नभएको चेक काटेको अभियोगमा उनी पक्राउ परेका हुन् ।
पक्राउ परेका भेटवाल इनोभेटिभ कन्सेप्ट नेपाल प्रालिका सञ्चालक हुन् । उनको कम्पनीले काठमाडौँको पुरानो बसपार्कमा काठमाडौँ भ्यु टावर निर्माण गरिरहेको छ ।
भेटवालविरुद्ध चेक बाउन्ससम्बन्धी उजुरी परेपछि पक्राउ परेका जिल्ला प्रहरी परिसर काठमाडौँका प्रमुख एसएसपी दानबहादुर कार्कीले जानकारी दिए ।
उनलाई नियन्त्रणमा लिएर आवश्यक अनुसन्धान भइरहेको प्रहरीले जानकारी दिएको छ ।
प्रकाशित मिति: बुधबार, फागुन १०, २०७९ १७:२२
प्रतिक्रिया दिनुहोस्
