थप ३ लाख ४५ हजार डोज फाइजर खोप आयो
काठमाडौँ –कोभिड–१९ विरुद्ध थप ३ लाख ४५ हजार डोज फाइजर खोप नेपाल आइपुगेको छ । कोभ्याक्स सुविधामार्फत उपलब्ध गराइएको १५ लाख डोजमध्ये ती खोप बिहीबार कतार एयरमार्फत काठमाडौं आइपुगेको हो ।
फागुन १ देखि ८ गतेसम्म ३ चरणमा सोही खोप ल्याइएको थियो । बिहीबार आइपुगेको खोपसमेत गरी साढे १३ लाखभन्दा बढी डोज खोप काठमाडौं आइपुगेको छ । फागुन १५ गते बाँकी खोप ल्याइने स्वास्थ्य सेवा विभागको आपूर्ति व्यवस्थापन शाखाले जनाएको छ ।
थप १५ लाख डोज आउँदो मार्चमा पठाउने कोभ्याक्सले जानकारी गराएको शाखा प्रमुख सुरेन्द्र चौरसियाले बताए । यसअघि ल्याइएको खोप गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशमा पठाइएको छ ।
१२ वर्षमाथिका २ डोज खोप पूरा गरेका नागरिकलाई ‘बुस्टर’का रूपमा दिन लागिएको यो खोप ‘वाइभ्यालेन्ट’ले ओमिक्रोन र यसका सब भेरियन्टहरूविरुद्ध पनि काम गर्ने विश्व स्वास्थ्य संगठनले जनाएको छ ।
मानव अधिकार आयोगले भन्यो- नवराज सुवेदीलाई बिनापूर्जी घरमा प्रहरी निगरानीमा राखेको पाइयो
छविलाल जोशीलाई थुनामा पठाउने आदेश
जाजरकोटमा ३ मिनेटको अन्तरमा लगातार दुई दुईवटा भूकम्प
सरकारले बोलाएको वार्तामा शिक्षकहरु नगएपछि सरकारले गर्यो पुनः आह्वान
अख्तियारमा उजुरीका चाङ, ८ महिनामा ९११ वटा उजुरी
