एमाले अध्यक्ष केपी शर्मा ओलीको जन्मदिनका अवसरमा बिहीबारबाट केपी ओली कप फुटबल प्रतियोगिता सुरु भएको छ । प्रतियोगिताको अध्यक्ष ओलीले ललितपुरको च्यासल मैदानमा उद्घाटन गरेका छन । ८ वटा टोलीले प्रतियोगितामा सहभागिता रहको छ ।
एन्फा कम्प्लेक्स सातदोबाटोमा समेत लिग चरणका खेलहरू हुनेछन् भने फाइनल खेल दशरथ रंगशालामा हुनेछ ।
प्रतियोगिताको विजेताले उपाधिसहित १० लाख नगद र उपविजेताले ५ लाख रुपैयाँ नगद प्राप्त गर्ने आयोजकले जनाएको छ । यस्तै, सर्वोत्कृष्ट खेलाडीले एक लाख तथा उदयीमान खेलाडी र विधागत उत्कृष्ट हुनेले समान ५० हजार प्राप्त गर्नेछन् ।
यसैगरी, प्रत्येक खेलको विजेता टोलीलाई २५ हजार, ‘प्लेयल अफ द म्याच’ लाई १५ हजार रुपैयाँ प्रदान गरिनेछ । युवा संघका अध्यक्ष किरण पौडलले प्रतियोगितालाई आगामी वर्ष पनि निरन्तरता दिने बताए । उद्घाटनका अवसरमा रचना रिमालले संगीतिक प्रस्तुती दिएकी थिइन् । त्यस अवसरमा प्रसिद्ध धावक बैकुण्ठ मानन्धर पनि उपस्थित थिए ।