काठमाडौँ– सर्वोच्च अदालतले क्रिकेटर सन्दीप लामिछानेको मुद्दाको पेसी आजलाई तोकेको छ । लामिछानेले बिहीबार सर्वोच्चमा दायर गरेको मुद्दाको पेसी आजका लागि तोकिएको अदालत स्रोतले जनाएको छ ।
लामिछानेमाथि नाबालिग बलात्कारको आरोप लागेको छ । उनी गत पुसमा उच्च अदालत, पाटनको आदेशमा २० लाख धरौटीमा सशर्तसहित रिहा भएका थिए । तिनै शर्त र धरौटी कम गर्न माग गर्दै लामिछानेले सर्वोच्चमा मुद्दा दायर गरेका हुन् ।
साथै, उनले खेल्नका लागि दुबई जान पाउनुपर्ने माग पनि राखेका छन् । युएईमा हुने क्रिकेट प्रतियोगितामा खेल्नका लागि जान पाउनुपर्ने मागसहित बिहीबार बुधबार लामिछानेका तर्फबाट अधिवक्ता सरोज घिमिरेले निवेदन दिएका थिए ।
प्रकाशित मिति: शुक्रबार, फागुन १२, २०७९ १०:१८
प्रतिक्रिया दिनुहोस्
