हेटौँडा– मकवानपुरमा जंगली हात्तीको आक्रमणबाट गए राति १ जनाको मृत्यु भएको छ । हात्तीको आक्रमणबाट बकैया गाउँपालिका–५ पावसका ५० वर्षीय जनकलाल माझीको ज्यान गएको हो ।
जिल्ला प्रहरी कार्यालयका प्रहरी निरीक्षक बलराम श्रेष्ठका अनुसार गए राति ९ बजे घर नजिकै बाख्राखोरमा जाँदै गरेका माझीलाई हात्तीले आक्रमण गरेको हो ।
गम्भीर घाइते उनको हेटौँडा अस्पतालमा उपचारका क्रममा राति नै मृत्यु भएको श्रेष्ठले जानकारी दिए ।
प्रकाशित मिति: शुक्रबार, फागुन १२, २०७९ ११:२१
प्रतिक्रिया दिनुहोस्
