काठमाडौँ– नेपाली कांग्रेसका सांसद प्रदीप पौडेलले काठमाडौँ उपत्यकामा खानेपानीको भयावह अवस्थाको अन्त्य गर्न सरकारको योजना संसदमा पेस गर्न माग गरेका छन् ।
शुक्रबार प्रतिनिधिसभाको शून्य समयमा बोल्दै सांसद पौडेलले सरकारले काठमाडौँ उपत्यकामा खानेपानीको अभाव पूर्ति गर्न बनाएको योजना संसदमा पेस गर्न माग गरेका हुन् ।
उनले ‘खानेपानी राज्यको अभिभारा, १ घर १ धारा’ नारा भए पनि काठमाडौँ उपत्यकाका करिब ६५ प्रतिशत घरका धारामा पानी नआउने बताए । सरकारले पानी नआउने धारा राखेबापत शुल्क भने नियमित लिइरहेको बताउँदै उनले काठमाडौँमा धेरै जमिनमुनिको पानी र ट्यांकरको पानी प्रयोग गरेर पानीको आवश्यकता पूरा गर्नुपर्ने बाध्यता रहेको जनाए ।
पौडेलले मेलम्चीबाट आएको भनिएको १७ करोड लिटर पानी नयाँ आपूर्ति सञ्जाल बन्न नसकेका कारण ५० प्रतिशत चुहावटमा रहेको बताए ।
प्रकाशित मिति: शुक्रबार, फागुन १२, २०७९ १५:१६
प्रतिक्रिया दिनुहोस्
