एजेन्सी– भारतीय कांग्रेस आईकी नेतृ प्रियंका गान्धीलाई समर्थकले करिब दुई किलोमिटर सडकमा रातो गुलाब बिछ्याएर स्वागत गरेका छन्।
शनिबार छत्तीसगढको नयाँ रायपुरमा वाड्रा पार्टीको ८५औं अधिवेशनमा भाग लिन गएकी गान्धीलाई समर्थकले दुई किलोमिटरसम्म सडकमा गुलाब बिच्छयाएर स्वागत गरेका हुन् ।
छत्तीसगढका मुख्यमन्त्री भूपेश बघेल, प्रदेश कांग्रेस प्रमुख मोहन मरकम र अन्य पार्टी नेताहरूले प्रियंका गान्धीलाई स्वागत गरेका छन् ।
प्रियंकाको स्वागतका लागि एयरपोर्ट अगाडिको सडकमा गुलाफको फूलको बाक्लो तह बिछ्याइएको थियो । गुलाब फूलले सजिएको सडकका दुवै छेउमा परम्परागत भेषभुषामा सजिएका लोक कलाकारहरुले पनि आफ्नो प्रस्तुति प्रस्तुत दिएका थिए । गान्धीको स्वागतमा ६ हजार किलोभन्दा बढी गुलाबको फूल प्रयोग गरिएको थियो ।
प्रकाशित मिति: शनिबार, फागुन १३, २०७९ २१:२३
प्रतिक्रिया दिनुहोस्
