काठमाडौँ– फ्रान्सको पेरिसमा सन् २०२४ मा आयोजना हुने ओलम्पिक महिला फुटबलको एसिया छनोटअन्तर्गत समूह ‘सी’ को पहिलो चरणको खेल नेपालमा हुने भएको छ ।
एसिया छनोटको पहिलो चरणअन्तर्गत समूह ‘सी’ को छनोट खेल नेपालमा आयोजना हुने अखिल नेपाल फुटबल संघ (एन्फा)ले जनाएको छ ।
समूह ‘सी’ मा प्यालेस्टाइनले नाम फिर्ता लिएपछि अब ३ राष्ट्र नेपाल, अफगानिस्तान र भियतनाम सहभागी हुनेछन् ।
छनोटको पहिलो चरणका खेलहरू आगामी चैत २० देखि चैत २८ गतेसम्म त्रिपुरेश्वरस्थित दशरथ रंगशालामा सञ्चालन हुनेछन् ।
ओलम्पिक महिला फुटबल छनोटको पहिलो चरणमा विभिन्न २६ टोली छन् । ती टोलीलाई ७ समूहमा विभाजन गरिएको छ ।
नेपालले ओलम्पिक तयारी स्वरूप भारतसँग २ मैत्रीपूर्ण खेल खेलेको थियो ।
प्रकाशित मिति: आइतबार, फागुन १४, २०७९ १४:२८
प्रतिक्रिया दिनुहोस्
