रोम– इटालीको दक्षिणी क्यालाब्रिया क्षेत्रको समुन्द्र आएको आँधीका कारण आइतबार बिहान डुंगा डुब्दा केही महिनाका एक शिशुसहित ५९ जना आप्रवासीको मृत्यु भएको पुष्टि क्यालाब्रिया नगरका नगर प्रमुखले गरेका छन् ।
क्यालाब्रिया नगरका नगर प्रमुखभिन्सेन्जो भोसले उद्धारकर्मीहरूलाई उद्धृत गर्दै स्काई टिजी–२४ टेलिभिजन च्यानलसँग भने, ‘डुंगामा करिब ‘२०० भन्दा बढी मानिस’ सवार रहेका र मृत्यु हुनेको संख्या ५९ पुगेको पुष्टि भएको छ ।’
यसअघि, क्षेत्रीय गभर्नर रोबर्टो ओचिउटोले बालबालिकासहित दर्जनौं मानिस डुबेर मरेका जनाएका थिए । ‘अझै धेरै समुद्रमा हराइरहेका छन् । यो भयानक त्रासदीपछि क्यालाब्रिया शोकमा डुबेको छ,’ उनले थपेका थिए ।
इटालियाली सञ्चारमाध्यमका अनुसार तटीय सहर क्रोटोनमा स्थानीय समयअनुसार आइतबार बिहान करिब ४ः०० बजे डुंगा डुबेको थियो ।
प्रकाशित मिति: सोमबार, फागुन १५, २०७९ ०५:५८
प्रतिक्रिया दिनुहोस्
