काठमाडौँ– संयुक्त अरब इमिरेट्स (युएई)मा आज नेपालले आइसिसी क्रिकेट विश्वकप लिग– २ को आफ्नो पहिलो खेलमा अहिले नेपाल पपुवा न्युगिनी (पिएनजी)को सामना गर्दैछ ।
यसैबीच, नेपालका कप्तान रोहितकुमार पौडेलले टस जितेर फिल्डिङ गर्ने निर्णय गरेका छन् ।
खेल युएईको दुबई इन्टरनेसल क्रिकेट स्टेडियममा अहिले ११ः४५ बजे सुरु हुँदैछ ।
त्रिकोणात्मक सिरिजअन्तर्गतका यी सिरिज नेपालका लागि महत्वपूर्ण छन् । यी सिरिजका सबै खेल जिते नेपाल विश्वकप छनोटमा रहिरहने छ । यस्तै, नेपालले एकदिवसीय मान्यता कायम राखिराख्न पनि लिग– २ मा अनुकुल नतिजा याउन आवश्यक छ ।
यसर्थ, नेपाल आज जितका साथ सिरिजको सुरुवात गर्न चाहन्छ ।
नेपालको युएई भ्रमण लिग– २ को अन्तिम विदेश भ्रमण हो । यसपछि लिग– २ को अन्तिम त्रिकोणात्मक एकदिवसीय सिरिज नेपालमा हुनेछ । जहाँ यी तीन टोलीबीच प्रतिस्पर्धा हुनेछ ।
नेपाल लिग– २ मा २८ खेलमा १२ मा जित र १४ मा हारसहित २६ अंकका साथ छैटौं स्थानमा छ । एकदिवसीय मान्यता जोगाउन नेपाल कम्तीमा शीर्ष ५ मा पर्नुपर्नेछ ।
