काठमाडौँ– अर्जेन्टिनाका सुपरस्टार फुटबलर लियोनल मेसीले आफ्नो क्लब करिअरमा ७०० गोल पूरा गरेका छन् ।
गएराति फ्रेन्च लिग वानअन्तर्गत मार्सेईविरुद्धको खेलमा गोल गर्दै पेरिस सेन्ट जर्मेन (पिएसजी)बाट खेलिरहेका मेसीले ७०० गोल पूरा गरेका हुन् ।
मेसीले खेलको २९ औं मिनेटमा गोल गरेका थिए । केलियन एम्बाप्पेले २ गोल गरेपछि खेल पिएसजीले ३–० ले जितेको थियो ।
मेसी क्रिस्टियानो रोनाल्डोपछि क्लब करिअरमा ७०० गोल पूरा गर्ने दोस्रो खेलाडी हुन् ।
मेसीले राष्ट्रिय टोलीबाट ९८ र क्लबबाट ७०० गरी जम्मा ७९८ गोल गरेका छन् ।
प्रकाशित मिति: सोमबार, फागुन १५, २०७९ ११:४२
प्रतिक्रिया दिनुहोस्
