काठमाडौँ– एक वर्षअघि ०७८ फागुन १५ गते पक्राउ परेका अभिनेता पल शाह ठिक एक वर्षपछि अर्थात आज फागुन १५ गते नै रिहा भएका छन् ।
उच्च अदालत पोखराले सफाइ दिएसँगै अभिनेता आह आज थुनामुक्त हुँदै आज रिहा भएका हुन् ।
एक नाबालिग गायिकाले आफूलाई बलात्कार गरेको आरोपमा शाहविरुद्ध दुईवटा जिल्लामा बलात्कारको उजुरी दिएकी थिइन् ।
यसमा नवलपुर जिल्ला अदालतले शाहलाई बालयौन दुव्र्यवहारको दोषी ठहर गर्दै साढे २ वर्ष कैद सजाय गरेको थियो ।
तर, तनहुँ जिल्ला अदालतले भने शाहलाई निर्दोष ठहर गरेको थियो ।
पछि तिनै जाहेरी दिएकी बालिकाले अदालतमा भने उजुरी झुटो भएको बकपत्र गरेकी थिइन् ।
बालयौन दुरुपयोगको मुद्दामा दोषी ठहर भइ जेल सजाय भोगिरहेका अभिनेता शाहको मुद्दामा आइतबार उच्च अदालत पोखरामा सुनुवाइपछि सफाइ पाएपछि उनी आज तनहुँ कारागारबाट जेलमुक्त भएका हुन् ।
प्रकाशित मिति: सोमबार, फागुन १५, २०७९ १२:०६
प्रतिक्रिया दिनुहोस्
