काठमाडौँ– नेपाली चलचित्र बहावको ट्रेलर सार्वजनिक भएको छ ।
सोमवार काठमाडौँमा एक कार्यक्रमबिच ट्रेलर सार्वजनिक गरिएको हो ।
२ मिनेट १४ सेकेण्डको ट्रेलरमा पारिवारिक कथावस्तुलाई समेटिएको छ । ट्रेलर सार्वजनिक पछि सञ्चारकर्मीहरुसँग कुरा गर्दै अभिनेत्री सुरक्षा पन्तले चलचित्रले सबै किसिमले मनोरञ्जन दिलाउने बताइन् ।
उनले चलचित्रमा पारिवारिक कथावस्तुका साथै राजनीतिक विषयवस्तुलाई पनि समावेश गरिएको बताइन् । फिल्ममा रिक्स लिएर जोडिएको उनको भनाई छ ।
चलचित्रमा अभिनेत्री पन्तसँगै कमलमणि नेपाल, अफरन अली, सूर्य शर्मा भट्ट, ईश्वरी सिंह, हिरालाल कँडेल, पवन श्रेष्ठ लगायतका कलाकारको अभिनय रहेको छ ।
चलचित्र आगामी चैत्र २४ गतेबाट देशभर प्रदर्शन हुनेछ ।
ट्रेलर हेर्नुहोस्
प्रकाशित मिति: सोमबार, फागुन १५, २०७९ १८:५६
प्रतिक्रिया दिनुहोस्
