काठमाडौँ– सर्वोच्च अदालतले फुकुवा गरेसँगै नेपाली राष्ट्रिय क्रिकेट टोलीका पूर्वकप्तान सन्दीप लामिछाने आज युएई जाने भएका छन् ।
उनले युएई जाने तयारी गरिहेको तथा आफूहरूसँग आवश्यक कानुनी परामर्श पनि गरिरहेको सन्दीपका अधिवक्ता सरोजकृष्ण घिमिरेले बताए ।
यतिबेला नेपाली टोलीले युएईमा आइसिसी क्रिकेट विश्वकप लिग– २ अन्तर्गतका त्रिकोणात्मक सिरिज खेलिरहेको छ । अदालतले फुकुवा गरेसँगै युएई र पपुवा न्यू गिनीविरुद्धका खेल खेल्न सन्दीप त्यहाँ जान लागेका हुन् ।
यद्यपि, अन्तर्राष्ट्रिय क्रिकेट परिषद् (आइसिसी)ले भने आधिकारिक रूपमा अनुमति दिन बाँकी छ । दिएको खण्डमा सन्दीपले खेल्नेछन् ।
प्रकाशित मिति: बुधबार, फागुन १७, २०७९ १२:५०
प्रतिक्रिया दिनुहोस्
