काठमाडौँ –राष्ट्रपति पदका उम्मेदवार नेपाली कांग्रेसका वरिष्ठ नेता रामचन्द्र पौडेलले सबै मतदाताहरूलाई मत दिन आग्रह गरेका छन् ।
आसन्न राष्ट्रपति निर्वाचनका लागि राष्ट्रिय सभा, प्रतिनिधिसभा र प्रदेश सभाका कूल ८८२ मतदाताहरूलाई पत्र पठाएर पौडेलले मत दिन आग्रह गरेका हुन् ।
पौडेल राष्टपति चुनावमा ८ दलीय गठबन्धनबाट उम्मेदवार बनेका हुन् । ‘संविधानको सीमाभित्र रहेर देशको सेवा गर्न चाहेको’ बताउँदै उनले सबै मतदाताहरूलाई व्यक्तिगत रूपमा नै आग्रहसहितको पत्र पठाएका हुन् ।
यसअघि कांग्रेसले पनि सबै दललाई मत माग्दै पत्र पठाएको छ । फागुन २५ गते राष्ट्रपति पदका लागि निर्वाचन हुँदैछ । पौडेलको प्रतिस्पर्धीका रूपमा नेकपा एमालेका सांसद तथा पूर्व सभामुख सुवास चन्द्र नेम्वाङ छन् ।
प्रकाशित मिति: बुधबार, फागुन १७, २०७९ १३:३७
प्रतिक्रिया दिनुहोस्
