काठमाडौँ– नेपाली कांग्रेसले सत्ता गठबन्धनको प्रदेश भेलामा कांग्रेस पदाधिकारीहरूलाई सहभागी गराउने भएको छ ।
पार्टी सभापति शेरबहादुर देउवा निवास धुम्बाराहीमा बुधबार बसेको कांग्रेस कार्यसम्पादन समिति बैठकले राष्ट्रपति निर्वाचनका लागि सातै प्रदेशका सांसदहरूको भेलामा पार्टी पदाधिकारीहरूको सहभागिता गराउने निर्णय गरेको हो ।
भेलामा प्रतिनिधिसभा र राष्ट्रियसभा सदस्यहरूसमेतको सहभागिता हुने कांग्रेस प्रवक्ता डा प्रकाशशरण महतले जानकारी दिए ।
राष्ट्रपतिमा कांग्रेस उम्मेदवारलाई विजयी गराउन भएको सहकार्यलाई बलियो बनाउने र कांग्रेस उम्मेदवारलाई अधिक मतका साथ विजयी गराउन पहल गर्ने निर्णय भएको उनले बताए ।
राष्ट्रपति निर्वाचनमा कांग्रेसका रामचन्द्र पौडेल र एमालेबाट सुवास नेम्वाङको उम्मेदवारी दर्ता भएको छ ।
प्रकाशित मिति: बुधबार, फागुन १७, २०७९ १६:००
प्रतिक्रिया दिनुहोस्
