काठमाडौँ –प्यासिफिक एसिया ट्राभल एसोसिएसन (पाटा) नेपाल च्याप्टरले हिमालय ट्राभल मार्टको चौथो संस्करण आयोजना गर्ने भएको छ ।
चौथो संस्करण ६ जुनदेखि ९ जुनसम्म काठमाडौँैमा आयोजना हुने भएको छ ।
संस्कृति पर्यटन तथा नागरिक उड्डयन मन्त्रालयको स्वामित्वअन्तर्गत नेपाल पर्यटन वोर्ड, नेपाल वायु सेवा निगम, पाटा अन्तर्राष्ट्रिय एवं पर्यटन क्षेत्रका विभिन्न संघसंस्थाहरूको सहयोग रहने पाटा नेपालले जनाएको छ ।
सन् २०१७ देखि २०१९ सम्म वार्षिक रूपमा हिमालयन ट्राभल मार्ट आयोजना हुँदै आएकोमा कारोना महामारीका कारण सन् २०१९ पछि आयोजना हुन सकेको थिएन ।
पाटा नेपाल च्याप्टरका अध्यक्ष विभूतिचन्द ठाकुरले हिमालयन ट्राभल मार्ट २०२३ मा सहभागी हुन राष्ट्रिय तथा अन्तर्राष्ट्रिय प्रतिनिधिहरूलाई आग्रह गरेका छन् ।
यसले पर्यटन व्यवसायलाई पुनरुत्थान गर्न र नेपाललाई महामारी पछिको पर्यटन पुनरुत्थान अभियानमा सहयोग गर्न निमन्त्रणा दिएका छन् ।
हिमालयन ट्राभल मार्टमा नेपाल, भारत, पाकिस्थान, चीन (तिब्बत), भुटान र म्यानमार जस्ता हिमालयन राष्ट्रहरूबाट विक्रेताहरू व्यापार आदान–प्रदान तथा सम्बन्ध संञ्जाल विस्तार, ज्ञान तथा सीप आदान–प्रदान गर्ने जनाइएको छ ।
