काठमाडौँ– इंग्लिस प्रिमियर लिग फुटबलमा उल्भ्समाथि लिभरपुलले जित निकालेको छ ।
गएराति घरेलु मैदानमा भएको खेलमा लिभरपुलले उल्भ्सलाई २–० गोल अन्तरले हराएको हो ।
लिभरपुलको जितमा भिर्गिल भान डाइक र मोहमद सलाहले एक–एक गोल गरे ।
खेलको ७३ औँ मिनेटमा डाइकले गोल गर्दै लिभरपुललाई अग्रता दिलाएका थिए भने ७७ औँ मिनेटमा सलाहले गोल गर्दै लिभरपुललाई २–० को जित दिलाए ।
जितसँगै लिभरपुल लिगको छैटौँ स्थानमा उक्लिएको छ । लिभरपुलले २४ खेलमा ३९ अंक जोडेको छ ।
उल्भ्स भने २४ अंक जोडेर १५ औं स्थानमा रहेको छ ।
प्रकाशित मिति: बिहीबार, फागुन १८, २०७९ ०८:४४
प्रतिक्रिया दिनुहोस्
