काठमाडौँ– राष्ट्रपति निर्वाचन नजिकिँदै गर्दा दलका नेताहरू आफ्नो पक्षका उम्मेदवारलाई भोट माग्न व्यस्त छन् ।
यसैबीच, नेकपा एमालेका नेताहरू राष्ट्रपतिमा सुवासचन्द्र नेम्बाङलाई भोट माग्न राष्ट्रिय स्वतन्त्र पार्टीका सभापति रवि लामिछानेलाई भेट्न बसुन्धारा पुगेका छन् ।
रास्वपाको केन्द्रीय कार्यालय पुगेका एमाले नेताहरूले लामिछानेलाई भेटेर नेम्बाङलाई मत मागेका हुन् । राष्ट्रपतिका उम्मेदवार बनेका सुवासचन्द्र नेम्वाङसहित एमाले उपमहासचिव पृथ्वी सुब्बा गुरुङ, सचिव योगेश भट्टराईलगायत नेता बसुन्धारास्थित पार्टी कार्यालय पुगेका हुन् ।
२५ फागुनमा हुने राष्ट्रपति निर्वाचनमा कांग्रेस, माओवादी केन्द्रसहित ८ दलका तर्फबाट कांग्रेसका वरिष्ठ नेता रामचन्द्र पौडेल र एमालेका तर्फबाट सुवासचन्द्र नेम्बाङ उम्मेदवार छन् ।
प्रकाशित मिति: बिहीबार, फागुन १८, २०७९ १४:२२
प्रतिक्रिया दिनुहोस्
