गण्डकी– गण्डकी प्रदेशसभाको चालु अधिवेशन अन्त्य भएको छ ।
गण्डकी प्रदेश सरकार मन्त्रिपरिषद्को सिफारिसमा नेपालको संविधानको धारा १८३ को उपधारा (२) बमोजिम प्रदेश प्रमुख पृथ्वीमान गुरुङले प्रदेशसभाको चालु अधिवेशन अन्त्य गरेका हुन् ।
प्रदेश प्रमुखको कार्यालयका प्रवक्ता चण्डीप्रसाद अर्यालले जारी विज्ञप्तिमा प्रदेशसभाको चालु अधिवेशन आजै राति १२ बजेदेखि अन्त्य हुने जनाइएको छ ।
त्यस्तै, प्रदेश प्रमुख गुरुङले दुई विधेयक प्रमाणीकरण गरेका छन् ।
गण्डकी प्रदेशसभाबाट पास भई आएका गण्डकी प्रदेशको निजामती सेवाको गठन, सञ्चालन र सेवाको शर्त सम्बन्धमा व्यवस्था गर्न बनेको विधेयक र स्थानीय सेवाको गठन, सञ्चालन र सेवाको शर्त सम्बन्धमा व्यवस्था गर्न बनेको विधेयक प्रदेश प्रमुख गुरुङले प्रमाणीकरण गरे प्रवक्ता अर्यालले जानकारी दिए ।
प्रकाशित मिति: बिहीबार, फागुन १८, २०७९ १९:४८
प्रतिक्रिया दिनुहोस्
