काठमाडौँ– नेपाल क्रिकेट संघ (क्यान)ले यू–१९ पुरुष क्रिकेट टोलीका खेलाडी तथा पदाधिकारीलाई जनही १ लाख रुपैयाँ पुरस्कार दिने भएको छ ।
आइसिसी यू–१९ विश्वकपमा छनोट भएपछि खेलाडीलाई जनही १ लाख पुरस्कारको घोषणा गरिएको क्यानले सामाजिक सञ्जालमार्फत जानकारी दिएको छ ।
विश्वकपको एसिया छनोट अन्तर्गत बिहीबार भएको निर्णायक तथा अन्तिम खेलमा आयोजक युएईलाई ७ रनले हराउँदै नेपाल विश्वकपमा ८ वर्षपछि छनोट भएको हो ।
अब नेपालको युवा टोलीले सन् २०२४ मा श्रीलंकामा आयोजना हुने यू–१९ विश्वकपमा सहभागिता जनाउने छ ।
प्रकाशित मिति: शुक्रबार, फागुन १९, २०७९ ०६:४६
प्रतिक्रिया दिनुहोस्
