काठमाडौँ– महोत्तरीको जलेश्वरस्थित श्रीसुभाष भू–सेवा केन्द्रबाट घुससहित दुईजना समातिएका छन् ।
उनीहरूलाई अख्तियार दुरूपयोग अनुसन्धान आयोगले घुस लिएको रकमसहित बिहीबार समातेको हो ।
पक्राउ पर्नेमा नायब सुब्बा (नासु) रामकृष्ण पण्डित र श्रीसुभाष भू–सेवा केन्द्र, जलेश्वरका लेखापढी व्यवसायी सुभाषचन्द्रलाल कर्ण रहेको अख्तियारले जनाएको छ ।
उनीहरूलाई सेवाग्राहीबाट ९ हजार रुपैयाँ घुस लिइसकेको अवस्थामा अख्तियारको कार्यालय बर्दिवासबाट खटिएको टोलीले पक्राउ गरेको बताइएको छ ।
प्रकाशित मिति: शुक्रबार, फागुन १९, २०७९ ०८:०५
प्रतिक्रिया दिनुहोस्
