काठमाडौँ– फोर्ड गाडीको नेपालका लागि आधिकारिक विक्रेता जिओ अटोमोबाइल्स प्रालि (जिओ फोर्ड)ले नेपाली बजारमा नयाँ संस्करणको नेक्स्ट जेन फोर्ड एभरेस्ट भित्र्याएको छ ।
कम्पनीले शक्तिवान्, परिस्कृत र रोमाञ्चक ड्राइभलाई मध्यनजर गरी बनाइएको ग्राहक केन्द्रित टेक्नोलोजीका साथ एड्भेन्चर रेडी फिचरहरू रहेको गाडी बजारमा ल्याएको हो ।
यो गाडी नेपालमा २.० लिटर वाई–टर्बो डिजेल इन्जिनमा १०–स्पिड अटोमेटिक ट्रान्समिसनका साथ उपलब्ध रहेको कम्पनीले जनाएको छ । यसले २१० पिएस पावर र ५०० एनएम टर्क प्रदान गर्ने जनाइएको छ ।
जिओ अटोमोबाइल्सका प्रबन्ध निर्देशक आकाश गोल्छाले यो गाडी उत्कृष्ट क्षमताहरूका साथ प्रभावशाली सुविधायुक्त नवीनतम तथा असल एसयुभी रहेको बताए ।
नेपाली ग्राहक तथा एड्भेन्चरप्रेमीले अपेक्षा गरेभन्दा माथि उत्रिन यो गाडी सफल हुने उनको भनाइ छ ।
नेक्स्ट–जेन एभरेस्टमा आरामदायी र सुविधाजनक ड्राइभका लागि वायरलेस चार्जिङ र इलेक्ट्रिक पार्किङ ब्रेकजस्ता सुविधा रहेको जनाइएको छ ।
दुवै दोस्रो र तेस्रो पंक्तिका सिटहरू सुरक्षित लामो यात्राका लागि फ्ल्याट फोल्ड डिजाइन गरिएको कम्पनीको भनाइ छ । यो गाडी आकर्षक र साहसिक यात्राका लागि डिजाइन गरिएको कम्पनीको भनाइ छ । यसमा ७ जनासम्म आरामले यात्रा गर्न मिल्ने कम्पनीले जनाएको छ ।
दुइटा फोर–ह्विल ड्राइभ प्रणाली, अन्डरबडी प्रोटेक्सन र अफ–रोड चयन गर्न मिल्ने ड्राइभ मोड र रियर लकिङ डिफरेन्सियल, २ फंक्सनल टो हुक अप फ्रन्ट साथै एक्सेसरिजका लागि अप फिटर स्विचको विकल्पसहित यो गाडी अफरोडका लागि पनि उपयुक्त हुने कम्पनीको दाबी छ ।
