काठमाडौँ –युनाइटेड अरब इमिरेट्स (यूएई)मा सम्पन्न यू–१९ विश्वकप एसिया छनोट प्रतियोगिताको उपाधि जित्दै युवा विश्वकपमा छनोट भएको नेपाली यू–१९ क्रिकेट टिम शुक्रबार स्वदेश फर्किएको छ ।
विश्वकपमा स्थान बनाएको नेपाली टिमका सदस्यलाई नेपाल क्रिकेट संघ (क्यान)ले जनही एक लाख रुपैयाँ पुरस्कार दिने घोषणा गरिसकेको छ ।
छनोटको अन्तिम खेलमा बिहीबार घरेलु टिम यूएईमाथि सात रनको रोमाञ्चक जित निकाल्दै नेपाली टिमले आगामी वर्ष श्रीलंकामा हुने युवा क्रिकेट विश्वकपमा स्थान पक्का गरेको थियो । इडेन गार्डेन ओभल अज्मानको भएको निर्णायक खेलमा नेपालले प्रस्तुत गरेका १९२ रनको लक्ष्य पछ्याउने क्रममा यूएई १८६ रनमै समेटिएको थियो ।
नेपालले आठ वर्षपछि यूवा विश्वकपका स्थान बनाएको हो । नेपालले पछिल्लो पटक सन् २०१६ यूवा मा विश्वकप खेलेको थियो । त्यसबेला नेपाल विश्वकपको क्वार्टरफाइनलमा बंगलादेशसँग ६ विकेटले पराजित भएको थियो ।
त्यसअघि नेपालले छनोटको पहिलो खेलमा सिंगापुरलाई ९६ रनले, दोस्रो खेलमा कुवेतलाई २४३ रनले, तेस्रो खेलमा हङकङलाई नौ विकेटले र चौथो खेलमा मलेसियालाई १० विकेटले हराएको थियो ।
