काठमाडौँ– सर्वाधिक ३१ पटकको विजेता बायर्न म्युनिखलाई पछि पार्दै बोरुसिया डर्टमुन्ड जर्मन बुन्डेस लिगाको शीर्ष स्थानमा उक्लिएको छ ।
गएराति घरेलु मैदानमा भएको खेलमा आरबी लाइप्जिगलाई २–१ ले हराउँदै डर्टमुन्ड लिगको शीर्ष स्थानमा उक्लिएको हो ।
डर्टमुन्डको जितमा कप्तान मार्काे रिउस र एम्री क्यानले समान एक गोल गरे । लाइप्जिगका इमिल फोर्सवर्गले सान्त्वना गोल फर्काए ।
यस जितसँगै शीष स्थानमा उक्लिएको डर्टमुन्डले २३ खेलबाट ४९ अंक बनाएको छ । एक खेल कम खेलेको बायर्न ४६ अंकसहित दोस्रो स्थानमा छ ।
पराजित भएपछि लाइप्जिगले भने तेस्रो स्थानमा उक्लने मौका गुमाएको छ । उ ४२ अंक जोडेर चौथो स्थानमा छ ।
युनियन बर्लिन ४३ अंकसहित तेस्रो स्थानमा छ ।
प्रकाशित मिति: शनिबार, फागुन २०, २०७९ ०७:२९
प्रतिक्रिया दिनुहोस्
