काठमाडौँ– शीर्ष स्थानमा रहेको नेपोली इटालियन सिरी ‘ए’को खेलमा पराजित भएको छ । गएराति भएको खेलमा लाजियोसँग घरेलु मैदानमा पराजित भएको हो ।
लाजियोसँग १–० ले पराजित हुनका बाबजुद नापोली लिगको शीर्ष स्थानमा यथावत छ ।
स्टेडियो डिएगो अर्मान्डो म्याराडोनामा नापोलीलार्य पराजित गर्न लाजियोका मेटिएस भेसिनोले दोस्रो हाफमा गरेको गोल नै पर्याप्त बनेको थियो । उनले खेलको ६७ औँ मिनेटमा गोल गरेका थिए ।
सिरी ‘ए’मा नापोलीको यो दोस्रो हार हो । यसअघि, नापोली जनवरी १५ मा इन्टर मिलानसँग १–० ले हारेको थियो । त्यसयता नापोली पछिल्ला १० खेलमा अपराजित रहेको थियो । अहिले सो यात्रामा पूर्णविराम लागेको छ ।
पराजयका बाबजुद शीर्ष स्थानमा रहेको नापोेलीको २५ खेलबाट ६५ अंक छ ।
नापोलीले २५ खेलमा २१ जित तथा समान २ बराबरी र हारको नतिजा निकालेको छ ।
जितसँगै दोस्रो स्थानमा उक्लिएको लाजियोको ४८ अंक छ । यद्यपि, नापोली अझै १७ अंकले अघि छ ।
