गगनप्रति गोकुलको कटाक्ष– कांग्रेसलाई आफ्नै खुट्टामा उभ्याउँछु भन्ने प्रचण्डको पाउमा तेल घस्दैछन्
काठमाडौँ– नेकपा (एमाले)का नेता गोकुल बाँस्कोटाले नेपाली कांग्रेसका महामन्त्री गगन थापाप्रति कटाक्ष गरेका छन् ।
बाँस्कोटाले कांग्रेसलाई आफ्नै खुट्टामा उभ्याउँछु भन्ने थापा अहिले प्रधानमन्त्रीसमेत रहेका नेकपा (माओवादी केन्द्र)का अध्यक्ष पुष्पकमल दाहाल प्रचण्डको पाउमा तेल घस्न लागिपरेको भन्दै सामाजिक सञ्जालमा टिप्पणी गरेका हुन् ।
‘गगनले भन्याथे– कांग्रेसलाई आफ्नै खुट्टामा उभिने बनाउन मेरो महामन्त्रीमा उमेदवारी । तर आज उनी प्रचण्डको पाउमा तेल घस्दैछन्,’ उनले फेसबुकमा लेखेका छन् ।
प्रचण्डलाई भन्दा बरु कांग्रेस सभापति शेरबहादुर देउवालाई बढी जनमत प्राप्त भएको भन्दै बाँस्कोटाले थापालाई सम्झाएका छन् ।
‘रामचन्द्र हराऊ, सुवास जिताऊ । प्रचण्ड होइन, देउवालाई तुलनात्मक जनमत प्राप्त छ । चकचकेको कचकच बन्द हुनै पर्छ । राम पुज्ने हो, खराऊ पुज्नु भ्रम, देउवा सत्य प्रचण्ड भ्रम,’ उनले भनेका छन् ।
