काठमाडौँ –नेपाल महिला रेस्लिङ फाउन्डेसनको आयोजनामा सोमबार अन्तर्राष्ट्रिय रेस्लिङ प्रतियोगिता हुने भएको छ । होलीको अवसरमा हुन लागेको रेस्लिङ भक्तपुरको सल्लाघारीमा आयोजना हुने नेपाल महिला रेस्लिङ फाउन्डेसनले जनाएको छ ।
रेस्लिङमा नेपालसहित अमेरिका, पाकिस्तान र भारत गरी ४ राष्ट्रका रेस्लरको सहभागिता रहने छ । आयोजक फाउन्डेसनकी अध्यक्ष भगवती खड्का (युनिका)ले विभिन्न देशबाट सहभागीहरु आउन लागेको जानकारी गराइन् ।
नेपालबाट भगवती खड्का, अस्मिता जुरेली, कुमार थापा (नेपाली ब्रो), हिक्मत थपलिया (स्कोरपियो), कृष्ण मगर (सिन्धुपाल्चोक टाइगर) मिस्टर यतिलगायतले प्रतिस्पर्धा गर्नेछन् ।
भारतबाट अमित दलाल, दिव्या आले र अभिराज सिंह, पाकिस्तानबाट कोभु ब्रान्डम, मोहम्मद बिलाल खान, तलहल अलि खान, अफ्रीदी मुहम्मद उसाम खान र मुस्ताफा अलि खान तथा अमेरिकबाट रिकार्डेज भिल्लानुभा (सादिका) रिङमा उत्रने छन् ।
विभिन्न ५ स्पर्धामा भिडन्त हुनेछ । २०७१ सालमा स्थापना भएको फाउन्डेसनले पहिलो पटक भक्तपुरमा अन्तर्राष्ट्रिय रेस्लिङ आयोजना गर्न लागेको अध्यक्ष भगवतीले जनाएकी छन् । भरत विसुराल (हिमालयन टाइगर)ले निर्णायकको भूमिका निर्वाह गर्ने छन् ।
