काठमाडौँ –ओखलढुङ्गाको चिसङ्खुगढीमा भिरबाट जीप पल्टिँदा २ जनाको मृत्यु भएको छ । दुर्घटनामा ९ जना गम्भीर घाइते भएका छन् ।
चिसङ्खुगढी गाउँपालिका–३ चापाकोटबाट जिल्ला सदरमुकामका लागि छुटेको ना १ ज ८४७३ नम्बरको जीप आइतबार बिहान दियालेमा दुर्घटना भएको जिल्ला प्रहरी कार्यालय ओखलढुङ्गाले जनाएको छ । दुर्घटनामा मिनबहादुर श्रेष्ठ र भक्तबहादुर थापाको मृत्यु भएको हो ।
जीपमा ११ जना यात्रु थिए । दुर्घटनामा तीर्थ लक्ष्मी थापा, शर्मिला श्रेष्ठ, खेम अधिकारी, तुलसादेवी कटेल, आयुषा श्रेष्ठ, केन्द्र कार्की, लडिसा श्रेष्ठ, तिलक कुमारी श्रेष्ठ र चालक सुमन कार्की घाइत भएका हुन् ।
घाइतेलाई उपचारका लागि हेलिकप्टरमार्फत् काठमाण्डौ ल्याइएको छ । घाइते भएका धेरैजसोको टाउकोमा चोट लागेको प्रहरीले जनाएको छ ।
प्रकाशित मिति: आइतबार, फागुन २१, २०७९ ११:०१
प्रतिक्रिया दिनुहोस्
-1709542546.jpg "कालीकोटमा जीप दुर्घटना : ६ जनाको मृत्यु, १३ घाइते")
