काठमाडौं– शुक्रबारबाट रिलिज भएको फिल्म ‘छक्का पन्जा ४’ ले बक्स अफिसमा राम्रो कमाइ गरिरहेको छ ।
फिल्मले २ दिनमा नै ३ करोडभन्दा बढी कमाइ गरिसकेको छ ।
उक्त फिल्मले शुक्रबारको ओपनिङमै १ करोडभन्दा माथिको आम्दानी गर्न सफल भएको फिल्मका वितरण मनोज राठीले जानकारी दिए ।
शनिबार भने उक्त फिल्मले १ करोड ७५ लाखभन्दा बढी कमाएको उनले बताए ।
छक्का पन्जाको अघिल्लो तीन श्रृङ्खलाले पनि बक्स अफिसमा आक्रामक कमाई गरेको थियो ।
दीपकराज गिरीले फिल्मको कथा तयार पारेका हुन् । फिल्ममा दीपकराज गिरीकै मुख्य भुमीका रहेको छ । उक्त फिल्मलाई हेमराज विसीले निर्देशन गरेका हुन् ।
फिल्ममा दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय छ ।
प्रकाशित मिति: आइतबार, फागुन २१, २०७९ १२:०७
प्रतिक्रिया दिनुहोस्
