काठमाडौँ –नेपाल कम्युनिष्ट पार्टीका महासचिव नेत्रविक्रम चन्द विप्लवले प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहालविरुद्ध मुद्दा दर्ता गर्दासमेत केही बोल्न नसकेको भन्दै आलोचना गरेका छन् ।
सहिद तथा बेपत्ता योद्धा सन्तति फाउण्डेशनले आइतबार काठमाडौंमा गरेको ‘जनयुद्ध, सहिद तथा बेपत्ता योद्धाको योगदान र नेतृत्वको दायित्व’ विषयक अन्तरक्रियामा बोल्दै महासचिव चन्दले प्रधानमन्त्रीविरुद्ध मुद्दा दर्ता हुँदासमेत प्रधानमन्त्री दाहालकै पार्टीले केही नबोल्नु विडम्बना भएको गुनासो गरे ।
दाहालविरुद्ध मुद्दा दर्ता भइसक्दा समेत प्रधानमन्त्री दाहालको पार्टीले कुनै आवाज नउठाएकाले उहाँको पार्टी कता गयो ? भन्दै प्रश्न गरे । माओवादीलाई अपराधी र हत्यारा भन्ने मान्छेलाई ठेगान लगाउने तागत आफूसँग रहेको दाबी गर्दै माओवादीलाई अपराधीकरण नगर्न पनि उनले चेतावनी दिए ।
लोकतन्त्रमा माओवादीलाई अपराधी बनाउने कुरा स्वीकार्य नरेको जिकिर गर्दै माओवादीलाई अपराधी बनाए इतिहास दोह¥याउन पनि चन्दले चेतावनी दिए ।
महासचिव चन्दले माओवादीलाई अपराधी बनाएर व्याख्या गर्नेकुरा सह्य नहुने पनि बताए ।
