सोल– दक्षिण कोरियाको विदेशी मुद्रा सञ्चितिमा फेब्रुअरीमा चार महिनायता पहिलो पटक गिरावट आएको केन्द्रीय बैंकको तथ्यांकले देखाएको छ ।
बैंक अफ कोरियाका अनुसार फेब्रुअरीको अन्त्यमा विदेशी मुद्रा सञ्चिति ४२५.२९ अर्ब अमेरिकी डलर रहेको छ जुन अघिल्लो महिनाको तुलनामा ४.६८ अर्ब डलरले कम हो ।
यो सँगै बलियो डलरले गैरडलर सम्पत्तिहरूको रूपान्तरण मूल्य घटाएको छ।
देशको विदेशी सञ्चितिमा ३७४ अर्ब ४९ करोड डलर धितोपत्र, २६ अर्ब ७५ करोड निक्षेप, १४ अर्ब ८० करोड डलर विशेष निकासी अधिकार, ४ अर्ब ७९ करोड डलर सुन र ४ अर्ब ४४ करोड डलर आइएमएफ (अन्तरराष्ट्रिय मुद्रा कोष) रहेको छ ।
जनवरीको अन्त्यमा दक्षिण कोरिया विश्वको नवौं ठुलो विदेशी मुद्राको भण्डार भएको थियो।
प्रकाशित मिति: मंगलबार, फागुन २३, २०७९ ०५:५२
प्रतिक्रिया दिनुहोस्
