मेडिकल कलेजमा विद्यार्थी भर्ना संख्या तोकियो

काठमाडौँ –चिकित्सा शिक्षा आयोगले चिकित्सा शिक्षाका स्नातक तहका विभिन्न कार्यक्रमको विद्यार्थी भर्ना संख्या निर्धारण गरेर मेडिकल कलेजहरूलाई विद्यार्थी भर्नाको कोटा (संख्या) तोकेको छ ।

आयोगले मेडिकल कलेजहरूलाई विद्यार्थी भर्नाको कोटा तोकेको सूचना मंगलबार सार्वजनिक गरेको छ ।

नयाँ शैक्षिक सत्रको लागि फागुन १४ मा बसेको आयोगको कार्यकारी समितिको बैठकले चिकित्सा शिक्षाका स्नातक तहका कार्यक्रमको सिट निर्धारण बाँडफाँडको निर्णय गरेको आयोगका उपाध्यक्ष प्राडा श्रीकृष्ण गिरीले बताए ।

आयोगले यस वर्ष एमबिबिएसका लागि १ हजार ८९५, बिएनएसमा १ हजार ३१०, बिडिएसतर्फ ५६०, बिएएमएसमा ८०, बिपिएचमा ८४० बि फार्मामा ८१५ सिट तोकेको हो ।

आयोगले सबै विषयमा गरेर ७ हजार ६५९ सिट संख्या तोकेको छ । गत वर्षहरूभन्दा यस वर्ष बिपिएचमा विद्यार्थी भर्ना संख्या घटाइएको छ ।

हाल सञ्चालनमा रहेका प्रायः सबै मेडिकल कलेजले एमबिबिएसमा १०० सिट नै पाएका छन् । २१ वटा मेडिकल कलेजमध्ये १७ वटा मेडिकल कलेजले १०० सिट पाएका छन् ।

कुन कलेजले पाए कति सिट ?

देवदह र जानकी मेडिकल कलेज  ५०/'५० (एमबिबिएस)

कर्णाली स्वास्थ्य विज्ञान प्रतिष्ठान, कर्णाली  ३० (एमबिबिएस)

विपी प्रतिष्ठान, काठमाडौं मेडिकल कलेज, केयू स्कुल अफ मेडिकल साइन्सेज, युनिभर्सल मेडिकल कलेज र कान्तिपुर डेन्टल कलेज र पिपुल्स डेन्टल कलेज  ५०/५० (बिडिएस)

चितवन मेडिकल कलेज, कलेफ अफ मेडिकल साइन्सेज, किष्ट मेडिकल कलेज, नेपाल मेडिकल कलेज  ४०/४० (बिडिएस)

महाराजगन्ज मेडिकल क्याम्पस र गण्डकी मेडिकल कलेज  २५/२५ सिट (बिडिएस)

नेशनल मेडिकल कलेज  २० (बिडिएस)

नोबेल मेडिकल कलेज  ३० (बिडिएस)